Selvije Kadriu-VETËM NJË ÇAST

Tashmë nuk mund të përqafoj
të mbështesë kokën
në prehrin tënd
Të të pyes ku gabova unë
pse jeta nuk qe e butë me mua
a thua do ta kuptoje ti
sa e trishtuar jam
Më mungon humori yt
ajo qetësia jote
ai shikim plot dhimbje
plot dashuri për mua
Më mungon një përqafim
i ngrohtë i yti
ajo shprehja jote
hajt se ti je e fortë
do të bëhet mirë
E sot do të doja
ti besoj ato fjalët tua
ta qetësoj mendjen
dhe zemrën time
së paku një çast