Mijëra ritme buçasin përgjatë bregut,
Përçartje verore, konkurence sezonale,
Do vijë vjeshta e shirat do t’ua qepin gojët,
Që tani bërtasin në kup të qiellit, me mburrje…
Brinjë më brinjë do ndjehet rënkimi antik,
“Ndalu” tek i belbëzon i pafrymë njerzimit,
Injorantët do vazhdojnë të menderosin mbi rrënoja,
Gangsterët e pasur të betonojnë, ngujimet e lashta…
Eh, ç’të them, ky është fati yt, Aulona,
Binjak me atë të vëllaut tënd, Dyrrahut,
Pinjollët e pangopur për famë dhe para,
Në egot e shfrenuara çdo ditë t’iu vdesin