Mos më thuaj se nuk të prita
(Dhe sa do të pres, mos më thuaj)
Në këto rrugë cigaret i fika
Pemës i thash një gjethe më ruaj!
Ca ditë dhe i pata kryqur..
(Ta dish, jo se jam një Krisht i ri)
Të tjerat në gota diku i pata zhytur
Por buzët u terja, si gjirin një fëmi!
Tani mos më thuaj se do të vish
(Unë këtu do jem, si gusht i rrekur)
Pemët do ulin sytë mbi pellgje grish
Do thonë se rrotull si gjeth ka mbetur
***
Se nuk të prita, jo mos më thuaj!
(Se pritje qenka e gjitha kjo jetë)
Cigaren e fundit ende e ruaj
Kur gjethet t’më bien fletë fletë!