Zinedine Zidane ka kujtuar me nostalgji periudhën e tij si trajner i Real Madridit dhe bashkëpunimin me Cristiano Ronaldon.
Në 114 paraqitje nën drejtimin e Zidane, Ronaldo shënoi 112 gola dhe regjistroi 27 asistime, duke ndihmuar Real Madridin të fitonte 11 trofe.
Mes tyre ishin tri tituj radhazi të Ligës së Kampionëve dhe dy tituj të La Ligës.
Duke folur para ndeshjes së Francës ndaj Belgjikës, Zidane vlerësoi lart karrierën e Ronaldos dhe kontributin e tij te skuadra madrilene.
Duhet t’i bëjmë një nderim të madh për karrierën e tij. Unë pata fatin ta kisha me vete. Ai më ndihmoi të fitoja shumë trofe”, deklaroi Zidane.
Francezi shtoi se ka respekt të madh për Ronaldon dhe për njerëzit me të cilët ka ndarë momente të rëndësishme në karrierën e tij.
“Chapeau për Cristiano-n! Gjithmonë kam shumë respekt për njerëzit me të cilët kam kaluar kohë”, përfundoi Zidane./Gazeta Sinjali/