Po pi për sytë e tu të butë,
Që kur më shohin se ç’kanë një dritë,
Për cepin n’hije që lëshojnë qerpikët,
Që kur i puth e ndjej një frikë.
Po pi për t’tuat lulëkuqet buzë,
Që kur më prekin bëhem i marrë,
Nga furrë e djallit digjem shpuzë
E mbetem prapë jo mëkater.
S’dua ky çast të ketë një fund,
Të ndjej mbi shpatull duart e tua,
Ndaj mbamë frymën e mos u tut,
(Dëshirë kam patur nga një grua).
Dhe mbi të gjitha mrekullitë,
Për zemrën tënde do të pi me fund,
Ajo që më shkund asht e mishtë,
Ajo që ëmbël më përkund.