Sikur të vije siç më vjen në ëndrra,
Ku mua gjithmonë më shtang habia,
Do të ktheja trupin në një flutur mali,
Mjaft lodhur n’pafuqitë e mija
.
Sikur të vije siç më vjen në ëndrra,
Buzë eshkë dhe sytë mallur për diell,
Pak ujë hëne të mbledhur shpirtit,
Me erën e parë sakaq do ta sjell.
Sikur të vije siç më vjen në ëndrra,
Aty ku gjejmë kohë të çmallemi bashkë,
Per zotin të ikje më s’do të lija ,
Se unë do t’isha një lule Pashkë.
Sikur të vije siç më vjen në ëndrra,
Ah ato ëndrra me ty nëpër natë,
Unë akoma besoj dashurive të zjarrta,
Dhe pse e jona qe e pafatë.