Lumi i pambukt që lëshohet nga plepat,
Më sjell pranë pritur fëmijërinë,
Prej një gjysmë jete, afrohen gjysmë botat,
Vjen lagjia ime e vjetër në Tiranë…
Nuk teshtij më kur fillon pranvera,
Kam fituar imunitet ndaj shumë gjërave tani,
Veç syri i majtë loton ngahera
Kur me ajrin përzihen, polene prej malli…
Mos u mërzit, nuk kam gjë,
Ja shih syrin e djathtë!
Hemisferë e paprekur nga asgjë
Tokë pragmatike, e thatë…