Anita Hoxha-Mos e zgjoni!

Babai po fle , ju lutem mos e zgjoni,
Në karrige, përqark tij, janë ulur hallet,
Një ditë, me lotë në sy,… do nisni ta kërkoni….
S’do t’ju presë më, s’do jetë aty me të gjallët !

Babi po fle… mos kërkoni letra, që shkroi për ju !
Po në postë nuk mbërriti as një lajm, ka kohë…
Tani, qani me zë;-Baba, kam ardhur…jam këtu,
, shpirti ju nis fluturim qiellit, nuk mund tju shoh..!

Cigaren shkundi tavullës, për të fundit herë,
Tek xhamave shihte tretur mbledhur një grusht…
Një fqinj i trokiste mëngjeseve, herët në derë,
Çudi, i thoshte, akoma stë erdhën të tutë…!

Po fle babai, fytyra e tij duket e bukur e qetë…
Rrobat do frymojnë vitesh, dhomës shpërndarë…
S’do dëgjohet më, as hapat…as zëri i fqinjit të shkretë !
Sot Zoti dërgoi engjujt, në parajsën e tij ta marrë..!

Kur të ktheheni,një ditë në atë të vogël shtëpi,
Nga babai s’do ketë mbetur shtëpisë asgjë,
Muret do ju flasin për brengat e hallet e tij..!
Babai, po fle…mos e zgjoni, babai nuk është më..!