Ardian Progni-VERË E KUQE TI…!

Pranë teje ëngjëll dua të vij,
një gotë verë dua ta pi.
Më ndje ti Zot a Perëndi
a do të dehem nuk e di…!

Një verë të kuqe, dashuri,
si në përrallat plot fantazi.
E nëse dehem, mos mbaj mëri,
më fal o Zot, dua të pi…!

Pi dhe ti vajzë e mos rri,
më pas të bëjmë dashuri.
Më ndje ti Zot a Perëndi,
me verë dhe vajzë gjej lumturi…!

Ndaj ec të pimë për dashurinë,
ti vajzë e bukur që bën magjinë.
E mos shiko ti njerëzinë,
ç’është verë e kuqe, ata s’e dinë…!

Se trupi jot si gotë më ngjan,
që verë të kuqe brenda mban.
Dhe më shijon në dorë të mbaj,
të pi siç je, të fle pastaj…!

Se gjumi i verës dhe dashurisë,
është eliksir prej Perëndisë.
Besomë, vetë Zoti kur të krijoi,
një gotë me verë dhe vetë shijoi…!