Asan Shkreta,përndryshe Kryetar i Klubit Futbollistik “Sharri”,nga Hani Elezit.
Ai po bënë një punë të jashtëzakonshme në drejtim të klubit,duke bërë përpjekje maksimale që klubi të ketë suksese çdo ditë e më shumë.
Vlenë të thuhet që ai mori klubin në dorë,në momentin më kritik ku klubi kishte rrezik që edhe të shuhej.
Ky njeri bëri çmos duke u amgazhuar me donator të ndryshëm me mbajtë gjallë klubin.
Në rastin e fundit ku stadiumi që bartë emrin e dëshmorit “Suad Brava” u dëmtua nga disa njerëz huligan dhe të papërgjegjshëm.
Pas interesimit të vazhdueshëm të mediave për situatën shqetësuese në stadium, presidenti i klubit, Asan Shkreta, ka folur për media, pas vizitës që gazetarët realizuan në terren dhe panë nga afër shkallën reale të dëmeve.
Pamjet ishin tronditëse: zhveshtoret e shkatërruara, rrethojat e dëmtuara, pajisjet sportive të demoluar – një goditje e rëndë për klubin dhe për sportin në përgjithësi. Por mbi të gjitha, ajo që ka lënë mbresën më të rëndë është cenimi i emrit të stadiumit “Suad Brava”, emër që mban kujtimin e një dëshmori të lirisë.
Presidenti Shkreta e quajti këtë veprim të papranueshëm dhe thellësisht fyes, duke theksuar se dëmtimi i infrastrukturës është një krim ndaj sportit, ndërsa përdhosja e emrit të një dëshmori është një akt pa asnjë justifikim moral apo njerëzor.
“Stadiumi mund të rregullohet, por plagët që hap një veprim i tillë ndaj kujtesës sonë kolektive janë shumë më të rënda,” deklaroi Shkreta,duke kërkuar reagim të menjëhershëm nga institucionet dhe drejtësi për këtë rast.
Klubi mbetet i vendosur të mbrojë vlerat që përfaqëson dhe të mos heshtë përballë vandalizmit që cenon sportin, dinjitetin dhe kujtesën e dëshmorëve.
