“Vlerat universale lidhen spontanisht me esencën e kualitetit njerëzor për një cilësi jete të rrënjosur në paqe, vlerë e brendshme e qenieve njerëzore.” Ndjenja njerëzore e paqes është vlera universale e rrënjosur në besnikëri, drejtësi dhe liri, e bashkuar me tre superfuqi të mëdha dhe harmonike që rrjedhin në venat tona: empatia, dhembshuria dhe thjeshtësia. Pa këto, esenca jonë ngec, bllokohet dhe cilësitë tona njerëzore destabilizohen, ndaj ato janë thelbësore.
Le të kujtojmë se duhet të jemi gjithmonë besnikë nëse dëshirojmë drejtësi dhe liri; duhet ta mbajmë paqen në shpirt si një dhuratë hyjnore, të vetëdijshëm për vlerat universale dhe për një kulturë paqeje të bazuar në një etikë të thellë, i cili ka si qëllim çrrënjosjen e çdo forme lufteje.
Ndonjëherë ndihemi të pafuqishëm përballë padrejtësisë, por nuk është mirë të lejojmë që urrejtja të na pushtojë, sepse ajo shtrembëron dhe destabilizon paqen tonë. Emocionet janë pjesë e rritjes. Paqësori është rezilient, i aftë të përballojë rrethanat që formësojnë shpirtin e tij
. Empatia, dhembshuria dhe thjeshtësia, vlerat që transformojnë kulturën e paqes, janë thelbësore për të përballuar çdo rrethanë të jetës. Ne jemi qenie njerëzore të papërsosura, që mësojnë çdo ditë, si një diamant drita e të cilit shkëlqen natyrshëm. Jemi pishtarë të gjallë, që mishërojmë vlera universale ndërsa angazhohemi pa u lodhur për drejtësi dhe liri.
Gjithësia i përfshin të gjitha këto vlera që burojnë nga shpirti, si dhembshuria që ndiejmë kur ngremë zërin për të drejtat e njeriut.
Empatia, dhembshuria dhe thjeshtësia, janë të lidhura ngushtë me njëra – tjetrën e pikërisht kjo është detyra jonë. Nëse njerëzimi i përqafon këto vlera, do të mbjellë fara që do të mbijnë për një paqe të begatë dhe të qëndrueshme, duke sfiduar luftën në të gjitha format e saj. Kjo duhet të jetë një betejë e vazhdueshme. Ndryshimi lind nga gjërat më sublime.
Gjërat e vogla të jetës na mësojnë t’i vlerësojmë dhe të jemi mirënjohës për to, që të mos humbasim kurrë empatinë tonë, dhembshurinë për të tjerët dhe thjeshtësinë që buron nga shpirti. Përsosmëria personale mishëron ëndrrën e paqes, duke ngjitur male për të arritur prekjen e dritës që ndodhet përtej
Vlerat universale lidhen spontanisht me thelbin e cilësisë njerëzore, duke çuar në një cilësi jete të rrënjosur në paqe si një vlerë e brendshme e njerëzimit. Pishtari im do të mbetet gjithmonë i ndezur.
Përktheu: Angela Kosta