Ca mjergulla si shtëllunga të bardha më vijnë
E lëkunden lehtë si flladi i detit të paanë.
Si anijet e lidhura të shtyra prej erës natë e ditë
Më marrin mendimet e kudo m’i shërndajnë
Në vetminë e heshtjen pa fjalë qëndroj
Se fjala e pa thënë është si hambar
Sikur mbledh drithërat e dimrit dhe në borë
Këtë bota kaq të madhe më shumë e kam pranë
Edhe unë i kam si ti të tjera mendime.
Se ndjenjat e njerëzimit të njëjtat janë
Dashuria ka një stil emocion, gaz,e dhimbje
Mendimet e dy vetave janë si ura e lartë.
E di që ti më kupton vetëm me një fjalë
Aromën tënde në jakë të këmishës o sa e dua
Në lëkurë të gjitha mendimet e tua janë
Heshtjen e fjalës si kameleon e kam përqafuar.
Më vjen mendimi si një kalë me shalë
Një përqafim njerëzor më jep forcë të pamatë