Poeti dhe atdhetari Bajram Muharremi sot feston jubileun e pesëdhjetëvjetorit të martesës. Ne, si redaksi, i urojmë çiftit të lumtur që të festojnë edhe shumë vite të tjera së bashku me djemtë, vajzën, nipërit, mbesat dhe familjen e gjerë Muharremi. Më poshtë ju sjellim postimin pa ndërhyrje të z. Bajramit, të publikuar në rrjetet sociale:
Sot, 7 Dhjetor – 50 vite martesë me Eminen time
Sot festojmë një jubile të shenjtë:
pesëdhjetë vite bashkë.
Gjysmë shekulli rrugëtim, ku jeta
na dha gëzime, sfida, lot e buzëqeshje…
por ne gjithmonë
qëndruam krah për krah, besnikë
ndaj njëri-tjetrit dhe familjes sonë.
Zoti na shpërbleu me katër fëmijë
të mrekullueshëm:
Naimi, afarist i zoti;
Blero, artist që gjithmonë ka ndriçuar shtëpinë me talent;
Tina, menaxhere e njohur, krenaria jonë;
Burimi, afarist i respektuar dhe punëtor.
Sot ata janë të rritur, njerëz të mirë dhe na nderojnë çdo ditë.
Tani jemi gjyshër të lumtur e krenarë,
me nipa e mbesa që na mbushin zemrën me dashuri.
Kujtojmë me emocion vitin 1992,
kur u larguam nga Kosova me lot në sy,
për të nisur një jetë të re në Suedi.
Ishte kohë e vështirë…
por, falë Zotit, sot kemi të gjitha: shëndetin, qetësinë
dhe një familje të bashkuar, që është pasuria jonë më e madhe.
Emine, faleminderit për çdo hap të
këtij udhëtimi të gjatë – për durimin, dashurinë
dhe zemrën që nuk u lodh kurrë.
Urime 50-vjetori ynë!
Zoti na dhëntë edhe shumë vite të tjera
me paqe, shëndet dhe dashuri.
Emine, të dua shumë, deri
në frymën e fundit të jetës time.
Gëzuar 50-vjetorin! ❤️