Flamur i lashtë, antikiteti
Flamur mesjete, vilajeti .
Flamur i Gjergjit, Skënderbeut
Me pushkë për shkop, i Qemal Beut .
Flamur i moçëm me shqiponjë
Flamur Shqipërie kësaj zonjë .
Flamur me fushë të larë në gjak
Me dykrenaren n’çdo Bajrak .
Flamur i kuq, flamur i zi
Flamur ja vdekje ja liri .
Flamur në tokë, në mal e det
Flamur i mbrojtur dhe me jetë .
Flamur Dodone në valëvitje
Veç një flamur, veç një vendlindje !