Një grua e bukur.
Një grua e fortë.
Një kombinim i rrallë dhe fatal që askush s’mund ta mposhtë.
Të gjithë lakmojnë të jenë pranë saj,
por pak kujt, ose askujt, i bie hise bekimi i dritës së saj.
Sa e bukur, aq edhe e mençur.
Sa tërheqëse, aq edhe e frikshme për ata që s’e kuptojnë.
Kur dikush afrohet për t’i prekur dorën,
ajo i tregon sekretet e jetës — por kurrë pa e parë më parë në shpirt.
A është Zanë apo Sirenë?
Si mund t’i njohësh njerëzit
nëse janë të vërtetë apo të rremë?
Me një mbyllje sysh, ajo sheh përtej oqeanit.
Me një prekje, shëron plagët e lëna nga djalli.
Me një fjalë, qetëson njeriun e mërzitur.
Me një shikim, ngroh zemrën e drobitur.
Kur ngrihet në këmbë,
lë gjurmë aty ku shkel.
Sepse kjo nuk është vetëm një grua e bukur —
është një hyjneshë në fron.