Mos më kërkoni atje
ku fle smira
se nuk do më gjeni
mos më kërkoni
te ndjenjat e sëmura
se as aty nuk do të jam
më kërkoni te gjuha e zjarrtë
ku i këndohet atdheut.
Mos më kërkoni atje
ku fjala vret shpirtin
por më kërkoni atje
ku dëlirësia e zemres
del nga gjirma.
Mos më kërkoni atje
ku retë e mugta
mbulojnë qiellin
por më kërkoni aty
ku aurora e mëngjesit
përqafon dritën.
Mos më kërkoni
ku fjala e lig
do ta rëndon kokën
por më kërkoni
te fjala e lirë
që ngrohë zemren dhe shpirtin.