Xhevat Nezir Nebihi ishte një nga bijtë e Drenicës që iu përgjigj thirrjes për liri në vitet më të vështira të popullit shqiptar.
Me prejardhje nga një familje me traditë atdhetare, ai është djali i Nezir Nebihit – i njohur në popull si “Komandant Plisi”, një ndër figurat me te njohura të Brigadës 112 të Ushtrisë Çlirimtare të Kosovës.
I rritur me ndjenja të thella për vendin dhe lirinë, Xhevati iu bashkua radhëve të luftës që në fillimet e saj, duke treguar përkushtim, guxim dhe besnikëri ndaj shokëve dhe atdheut.
Ai u bë pjesë e shumë betejave në zonën e Drenicës, ku bashkëluftëtarët e kujtojnë për thjeshtësinë, vendosmërinë dhe karakterin e tij fisnik.
