Marigona Kelmendi -Frymë

Tek numëroj tingujt
Piano nuk ndalet
Unë marr e thur
Ca fjalë të thekshme
Të shkapërderdhura
Mbase edhe të heshtura
Lidhur nyjë-nyjë
Kujtoj zanat e pyjeve
Habitem me veten
A thua kam harruar të flas
Të klith si një pishtar
Tek digjet tek tretet
Ti mos harro gurët
E kufirit dhe ata kilometrik
Ku marrin në thua hapat
E atij që më ktheu shpinën
Si ta fal dashurinë e humbur
Frymë që të mbetet në grykë