Rubjana Nika-Kemi qenë

Sa të fismë kemi qenë,
po sa poshtë kemi rënë,
kemi qenë mbi të tjerë,
me shumë virtyte,.besë e nderë,
me forcë e trimëri,
mikpritje e bujari,
bukuri si askush tjetër,
ndër gjithë popujt
më i vjetër.
Sa të shumtë kemi qenë,
të përmendur në gjithë dhenë,
me mbretër e mbretëresha,
edhe gratë luanesha,
se për burra s’bëhet fjalë,
jepnin jetën për vatanë,
zot i dilnin mëmëdheut,
gjer në motin e Skënderbeut.
Po ç’u gjeti o të mjerë,
që i humbët besë e nderë,
e braktisët vendin tuaj,
ndërruat emër,u bëtë të huaj,
për një tjetër vend punoni,
gjuhën tuaj e harroni.
për kolltuk e pasuri,
harroni vend ,farefisni,
me të huajt u afruat,
me gjakun tuaj u larguat?!