Porsi zanë vrapoj buzë Jonit
Më rilind dashurinë e motit
Me bleron fjala në mes kaltërsive
Gëzimi pikëlotin ua falë thellësive
Sytë e mi sot janë një det i tërë
Jod e jargavan frymarrja merr
Përmbi zall dielli zbret mushtin
era i flet dallgës kurrë mos të heshtin
Valëzojnë palmat buzë bulevardit të Vlorës
Cicërojnë butësisht gjuhët e botës
Je luleborë, je këngë e dasmës
Rrezëllimë mbi dritare të parajsës
Hiret e vajzave vala ua përkëdhel
Në sytë e kaltërt dollin e derdh
Vargu i poetit bëhet këngë e zogut
Drithërojnë tingujt n’zemër t’Adriatikut!