Ma drodhe zemrën Atdheu im,
Klithma e vajzës që hiqej zvarr…
A mos isha unë?!
A mos isha unë djali që të lidhur
E qëllonin me shkelma histerikët?!
Shkopinjtë e zinj pambarim…
Gjak të skuqur më lotuan sytë…
A mos isha unë?!
Një nënë që dot s’mbronte birin e saj
Një motër,
Një grua që i trembet morgut
Jo për veten,
Njeriu s’ka kohë të mendojë për veten!
Ma drithërove zemrën Atdheu im!
Klithma jote a mos isha unë?!