Natë e qetë,përballë bjeshkës
Pakëz më poshtë se yjëzit n‘qiell
Në ballkonin e „Perëndeshës“
Një varg zemre n‘letër do hedhë!
Fllad i vrushkullt nga Gjeravica
Në binom nga Rrasë e Zogut,
Ngjeshin trupin me „morrnica“
Me ty në heshtje drejt dialogut!
O Log zanash të Dukagjinit
O Shesh matjesh burrnishë kreshnike
Ti gjithmonë pishtar kushtrimi
O Skyfter n‘Shqypni Etnike!
Shumë je rritë dhe zbukurua
Ndritë nën ndritjet e lirisë,
Hyu YnëZot të ka bekua
Bashkë me Sagen e Lavdisë!
Ah Deçan, Dekan i lashtë,
Ke marrë hap e ke zënë shtat,
Faqe e Ndritur gdhendur n‘rrashtë,
N‘pafundësi Kronikë e gjatë!
Shpirt e jetë në Frymë Hyjnore
Lashtësi sa vetë kjo Tokë,
Djep që rritë Kjenësi Arbnore,
Në k‘të Truall m‘pushon kjo kokë