O-moj vajza me gërsheta
Fjala jote !
si mjalti që e nxjerr bleta
Me fustanin ngjyrë ari
Me ty vjen më shpejt behari
Kur shkon poshtë e përpjetë
Me ca naze gjithë lezet
Në liqen të lumturisë
Je behar i dashurisë.
O moj lulja menekshe
Dil, të shoh në penxhere
Të shoh sy e të sho vetull
Të më vijë një diell tjetër.
Më jep syrin e lotuar
Më jep dorën e malluar
Thuajmë fjalën e mjaltuar
Nga ato që s’kam dëgjuar
Më ke futur në mendime
Si zogu që shkon në brigje.
Hajde, moj, hajde me mua!
Të pimë ujë krua më krua.
Kur kalon nëpër lëndinë
Ti mban erë trëndelinë
Zogjtë atje kanë shtëpinë
Si bilbilat tej në brinjë.