Buzëmbrëmja heshtjes zhytet,
Qielli flakëron përskuqur,
Gjethet ngjyhen me të kuqe
Buzëmbrëmjen duke puthur.
Majat pemëve flakërojnë
Zoqtë gjumarashë flejnë
Flladi hesht mos zogjtë zgjojë,
Fshehur gjetheve ndër pemë.
Mbyllur çadrat buzë bregut
Porsi gonxhe ngjyrash ndezur
Plot lokalet gjallërohen
Xhirua mbrëmjes nis e shtohet.
Flejnë varkat në ranishte
Nderet hëna përgjimtare
Parfumojnë lulet lulishtes
Plot aroma ledhatare
Nata yjet qiellit ndezi,
Varkat flejnë ëndërruar,
Ndezur dritash fle qyteti
Gjoli dritash pasqyruar.
Ç’mallëngjim!
Gjumë të ëmbël qyteti im.