Mbase dikush,do t’flasë kur të kem shkuar
Do të thotë ç’t’i teket,ç’t’i vijë nëpër gojë
Fjalë të ftohta që kurrë s’i kam dëgjuar
Do të nxjerrë nga arshiva, të zezën bojë
Do t’jenë më shumë burrecët e zakonshëm
Ata që m’ndenjën afër,e pas shpine folën
Veç festës që bëjn’,gëzimit të brendshëm
Gjejnë rastin,se kurrë, sa qeshë s’ia dolën
Ç’kërkojnë të bëjnë sot, këta të pafytyrë
Kur një jetë të tërë,aty, pranë më patën
Duke baltos të tjerët,s’bëhesh kurrë i mirë
Presin n’kësi dite,t’ngjyejnë me m…. llapën
I ftoj sot “këta” llapaqenë dhe çdo njeri
Të tregojnë burrni,sajesat për të vërtetuar
Le ta gjejnë kurajon,të ma thonë në sy
Përbesë,do t’ngrihem për t’i falenderuar
Por duke njohur mirë veten,asnjë s’do t’vijë
Sepse t’vërtetën,ata,e dinë më mirë se unë
Sot përgjojnë rastin,të nxjerrin mllefin e zi
Të gjithë ata,që n’jetë ndihmova më shumë