Në heshtje bie nata mbi qytet,
Qielli shndrit si pëlhurë e artë,
Yjet flasin me një gjuhë të vjetër
Sikur përrallojnë me njeri tjetrin
Kjo puhi më sjell aromën verore
Me kujtime dhe endërra kohore
Diku larg ndëgjoj si melodi e lehtë
Këngën e fëmijëris per këtë qytet
Në çdo gurë të rrugës rri kujtimi,
Te Ura e Vjetër, mbi Llapin tim
Këmbët më çojnë drejt fëmijërisë,
Aty ku m’ngjallej shpresa çdo agim
Prej largësie ëndërroj sy hapur
Jam larg ,nën qiell t’ftohët akull
Por zemra sonte ka ritmin tjetër
Sikur më flet në gjuhën e vjetër
Sapo nata erdhi e qetësia sundon
Mallin për babë e nenë më zgjon
Për hijet n’ kopsht, për zërin e motrës,
Për sofrën,bukën dhe zjarrin në votër
Qielli i vendit tim m’flet si atëherë,
Kur isha fëmijë dhe s’kisha halle
Tani çdo yll më kthen pas në kohë,
E kujtimet mbesin sikur roje nate!