Shtegut aromë-lulje,
Petalet e trandofilit t’bardhë
ia bani jastek nën krye djalit
Tue prit mbramjes me ardh
Çarçafët si fletë ditari palosun
ildisun fije-fije,hijshëm
bash sic i ka hije ksaj dashnie
Ofshan shpirti si n’jeremi
andrrash,buza ngjit buzës
Përkund shtratit t’jetës
embrionin e sajë
Nën tinguj violine, luen arien e saj
gaz e vaj
Tue prek butshëm trupit
Përvelueshëm si n’flakerimë zjarri
Si hana mbi male, zbret vasha
Marramendëse plot ngjyra,
Tek shtriqet parajsës si fjollëz drite,
Si gjethe n’stinë vjeshte
Ngjyrë ari shtrojnë qylyma
Fronit t’tijë i miri djalë,
Shpirtshëm ngre shtatë qiejsh
t’bukuren si Zanë
Oh e mira e bjeshkëve si orë mali
Tek zbret si rebardhë furishëm
si oreg bore,
Gazmendun rrok t’dashtunin për dore
rrmisht
Me shtrue rrugëjetët lulnajash
sbashkut dashunisht !