Selvije Kadriu-TA DISH

Nëse një ditë nuk më sheh
dije se më munde
e unë e humba
atë që nuk e kisha kurrë
Të lutem mos i mbledh thërmiat
mos vajto për një dashuri
të kaluar
Do ëndërroja një mëngjes me ty
në pritje të rrezeve të diellit
kur shtrijnë pushtetin
në krevatin tonë
ato rreze t’mi verbojnë
sytë që t’shikojnë ty
Kjo zemër të mësohet të dashuroj
shpirtin e dikujt tjetër
por jo një si ty