Nëse do një grua,
duaje!
Duaje
siç të do ajo,
jo më shumë.
Edhe pse..
.
në do
e duash
sa ç’të do ajo ,
do humbesh shkretëtirës,
do thahesh prej etjes,
do ligesh,
do tretesh.
Më mirë,
duaje më pak ,
ajo të kupton.
Ajo gjithmonë kupton.
Madje
do të falë
edhe atë pjesëz të munguar.
Nëse do një grua,
pyete veten mirë
a mundesh.
Ajo të fal botën –
por
bota
është e madhe,
e mund të të trembë.
E
trembja
e një burri,
mos qoftë e thenë.
Nëse do një grua,
ajo të pret
me verë,
musht,
mollë, pjeshkë
dhe këngë,
shumë këngë,
deri në notat e sipërme.
Nëse do një grua,
pyete veten mirë:
A mundesh…
…ta duash një grua?