N’hapsira mendimesh,
prek grumbuj t’paepuna fjalësh,
që as loti nuk ua vrau dritën,
as vetmia,
as lëndimi,
as pengimi.
N’mendime lindin ma t’parat rrugë pa shtigje,
edhe kur zemra thyhet e fryma zihet fryme n’pa liri,
mos u dorëzo në mendimet e shumkujt,
doza e dijes i prin mendimit t’lirë,
pa robni,
një rrugëtim virtytesh,
prej mendimi lindin andrrat e jetës,
rrezja e zgjimit,
etapat njerëzore,
dënesat ëngjëllore.
Mos thuaj asnjëherë se ç’do t’ndodhë
s’e di unë,s’e din as ti,
mendimi im i lirë,asnjëherë nuk e vrau lirinë e tjetrit,
e tashmja ashtë përsosmëri,
asht’sublime,
lufta e të menduarit nuk asht’mohim,
nuk asht’utopi.
Fjala është syri i mendjes,
lundrim tragjik,
sekret mistik,
mendimi një copëz lirie,
është drejtim,
është blerim,
është tingull në muzë poezie.