Një person në qytetin e Gjakovës, dje në orën 18:20, është qëlluar nga një tjetër me armë zjarri.
Rasti ka ndodhur në rrugën “Yll Morina”, kurse atë e ka konfirmuar për lajmi.net zëdhënësi Sheremet Elezaj.
Viktima i ka thënë policëve hetues në Gjakovë se është ish-dhëndërri ai që e ka gjuajtur me armë.
Personi i mbetur i lënduar nga plumbi po trajtohet në QKUK kurse i dyshuari vazhdon të mbetet në arrati, shkruan lajmi.net.
E policia ka gjetur dhe konfiskuar një gëzhojë të kalibrit 7.62 mm.
“Viktima mashkull kosovar ka raportuar se është sulmuar me armë zjarri nga i dyshuari mashkull kosovar (ish-dhëndëri i tij). Në vendin e ngjarjes kanë dalë njësitë përkatëse ku kanë gjetur dhe konfiskuar një gëzhojë të kalibrit 7.62 mm. Viktima ka pësuar lëndime trupore dhe i njëjti është dërguar për tretman mjekësor në QKUK-Prishtinë. Nuk raportohet për të arrestuar”, thuhet në njoftimin e PK-së.