Një rast i rëndë ka ndodhur në Pejë, ku ka shpërthyer një cisternë. Tashmë është konfirmuar një viktimë, si pasojë e shpërthimit. Çka ndodhi?
Së pari, zëdhënësi i Policisë së Kosovës për rajonin e Pejës, Fadil Gashi, e konfirmoi rastin që ndodhi në rrugën “Tahir Zemaj”. Sipas Gashit, në vendin e ngjarjes kanë dalë të gjitha njesitet kompotente.
“Rreth orës 09:14 policia është njoftuar se në rrugën “Tahir Zemaj” ka ndodh një shpërthim i një cisterne. Në vendin e ngjarjes kanë dalë të gjitha njësitet kompetente”, ka thënë Gashi.
Ndërsa zëdhënësi i Prokurorisë së Pejës, Shkodran Nikçi, e konfirmoi tashmë një viktimë nga shpërthimi i cisternës. Nikçi ka treguar se ende nuk dihet se cila ka qenë arsyeja e shpërthimit.
“Ajo çfarë mund të konfirmoj është se për shkak të shpërthimit tani kemi një viktimë në vendin e ngjarjes. Nuk kemi ende diçka konkrete se cila ka qenë arsyeja e shpërthimit. Ekipet relevante, kryeprokurori, prokurorja e Pejës policia, zjarrfikësit janë në vendin e ngjarjes”- tha Nikçi për Nacionalen.