Cristiano Ronaldo e ka lansuar kanalin e tij zyrtar në YouTube, i cili për një gjysmë dite arriti në më shumë se 11 miilionë abonues.
Futbollisti portugez i ka ngarkuar deri tash 19 video, shkruan “Gazeta Express”.
Më e klikuara ishte ajo që ishte parë 7,5 milionë herë për vetëm 12 orë.
39 vjeçari, pesë herë fitues i Topit të Artë e zyrtarizoi dje paradite hapjen e kanalit të ri në Youtube përmes një shkrimi në rrjetet sociale.
“Pritjes i erdhi fundit. Kanali im në YouTube më në fund arriti! SIUUU abonohu dhe m’u bashko në këtë rrugëtim të ri”, shkroi futbollisti i Al Nassr.
CR7 i ka 112,6 milionë ndjekës në rrjetin social X, 170 milionë në Facebook dhe 636 milionë në Instagram.