Sot, në Kampin e Njësive Speciale “Vrella“ u bë dhurimi vullnetar i gjakut nga zyrtarët e Policisë së Kosovës.
Në këtë aksion humanitar me moton“Dhuro gjak,shpëto jetë” ka marrë pjesë dhe ka dhuruar gjak edhe drejtori i përgjithshëm i Policisë së Kosovës, kolonel Gazmend Hoxha bashkë me stafin ekzekutiv.
Aksionit iu kanë përgjigjur më shumë se 100 pjesëtarë të policisë në Kampin “Vrella” dhe në Qendrën e Njësive Speciale “Enver Zymeri” në Mitrovicë, si dhe zyrtarë të njësiteve të ndryshme të cilët kanë dhuruar gjak në Qendrën Kombëtare të Transfuzionit të Gjakut.
“Policia e Kosovës edhe këtë herë kur QKTGJ-ja ka nevojë shumë për gjak, u bë promotor në ofrimin e pjesës më të shtrenjtë nga trupi i tyre-gjakut, duke u bërë shembull për të tjerët!
‘Dhuro gjak, shpëto jetë’ është dhurata më e mirë për ata që kanë nevojë”, thuhet në njoftimin e policisë.
