Dielli mbytur përmbi valë,
nis gjumon në qejf të vet,
dita dredhur porsi ngjalë,
nata detit…heshtur zbret…
Vezullon syprinë e qetë,
fllad i mekur shushurinë,
ikja rërës mbyll një fletë,
hija brigjesh humb lirinë…
Jeta pragjesh…arratisur,
hapat ndalur me përtim,
pritja pirgjesh hargalisur,
malli lotit s’gjen shpëtim…
Dielli mbytur përmbi valë,
sumbullon në hov mërzie,
dita dredhur porsi ngjalë,
vesa muzgjesh ëmbël bie…