Një person është arrestuar në Podujevë, ka bërë të ditur Policia e Kosovës, shkruan Llapi.info.
Arrestimi i tij është kryer për një rast të denoncimit që i është bërë në gusht të këtij viti për “dhunë në familje”.
I dyshuari kishte qenë jashtë shtetit, derisa është kapur dje nga zyrtarët policorë.
“Lidhur me rastin, është arrestuar i dyshuari mashkull kosovar dhe i njëjti pas intervistimit me vendim të prokurorit është dërguar në mbajtje”, ka bërë të ditur Policia e Kosovës./Llapi.info