Vjollca Bajraj -SHTËPI E VETMUAR

Aty ku unë e ti
zgjoheshim mēngjeseve
dhe ia tregonim ëndërrat njëri tjetrit
insektet kishin ndërtuar shtëpi
ca lule trimëresha ishin rebeluar
dhe kishin kapluar muret
të dëshpëruara për dorë njeriu
kumbulla e ftoi mbaheshin
për njëri tjetrin
me degët e plakura
një mace kishte mbytur një zog
që kish provuar të këndonte
një këngë dashurie
Shtëpia kundërmonte erë harrese
e hardhia vazhdonte ti bënte hije oborrit të braktisur
dhe qante bashkë me mua
kurrë nuk kisha menduar
se edhe shtëpitë vdesin
bashkë me njerëzit