Kristjan Cenaj është dënuar me burgim të përjetshëm për vrasjen e 16-vjeçarit Mariglen Gjonaj, ngjarje e ndodhur në maj të vitit 2015.
Pas gati 9 vitesh, drejtësia është vënë në vend për ngjarjen e rëndë. Cenaj e vrau Gjonajn për t’i grabitur orën “Rolex” që ai kishte duke e qëlluar me sende të forta në kokë dhe më pas fshehu trupin.
Në vitin 2022, një zjarr rastësor dogji ferrat në një zonë të Fushë-Kuqes në Kurbin duke bërë që të zbuloheshin disa eshtra. Pas kryerjes së analizave të ADN-së, ato rezultuan se i përkisnin 16-vjeçarit Gjonaj.