Luka Modriç po hyn në gjysmësezonin e fundit të kontratës me Real Madridin dhe është e sigurt që nuk do ta zgjasë më tej kontratën. Kapiteni i kombëtares kroate tashmë ka disa oferta për të vazhduar karrierën.
“Todofichajes”, një portal i specializuar spanjoll i transferimeve, pohon se mesfushori 38-vjeçar tashmë ka arritur një marrëveshje me klubin e tij të ardhshëm.
“Para disa javësh Modriç u tha drejtuesve të Realit se po largohej. Edhe pse kishte një ofertë interesante nga Inter Miami, në fund mbizotëroi ndikimi i Cristiano Ronaldos. Portugezi ka qenë në kontakt të vazhdueshëm me Modriqin, ish-shokun e tij të skuadrës. dhe e bindi që të bashkohej me të në Al Nassr”, shkruajnë spanjollët.
“Kushtet e kontratës nuk dihen, por spekulohet se lojtari i kombëtares kroate do të fitojë rreth 30 milionë euro në sezon. Kishte një opsion që ai të largohej nga Reali në afatin kalimtar dimëror, por Modrić dhe Real e hodhën poshtë këtë.”
Modriç është pjesë e Realit që nga viti 2012 dhe ka fituar gjithçka që ka për të fituar me klubin madrilen. Ai ka luajtur 508 ndeshje, ka shënuar 38 gola dhe ka dhënë 80 asistime. Këtë sezon ai ka qenë më shumë zëvendësues për shkak të lëndimeve të disa lojtarëve. Ky status i ri nuk i ka pëlqyer kroatit dhe ai ka pasur mosmarrëveshje me trajnerin Carlo Ancelotti.