Meteorologët për ditën e sotme kanë paralajmëruar stuhi nëpër disa vende të Kosovës, raporton Gazeta Sinjali.
E sipas KEDS, aktualisht një stuhi e përcjell me erëra të forta, shi e zbrazje atmosferike ka kapluar rajonin e Ferizajt, posaçërisht Kaçanikun e Shtërpcën dhe rajonin e Gjilanit.
Si rrjedhojë, disa dalje tashmë janë jashtë funksionit, ka njoftuar KEDS.
Ekipe të shumta të KEDS-it tashmë janë mobilizuar dhe ndodhen në terren për të rikthyer gjendjen në normalitet.
“Kërkojmë nga konsumatorët që kudo që ndodhin stuhi të tilla-erëra të forta të përcjella me shi, të jenë vigjilentë dhe të qëndrojnë larg aseteve energjetike”, theksohet në njoftim.