Bayern Munichi ka pësuar humbje në derbin ndaj Borussia Dortmundit, duke zvogëluar kështu edhe më shumë shanset për mbrojtjen e titullit të kampionit.
Skuadra e drejtuar nga Thomas Tuchel pësoi në “Allianz Arena” me rezultatin 0:2, shkruan Gazeta Express.
Ky derbi i takoi javës së 27-të në Bundesligë.
Karim Adeyemi (10′) dhe Julian Ryerson (83′) realizuan golat e fitores për skuadrën nga Dortmundi.
Bayern Munichi mbetet i dyti në tabelë me 60 pikë, tani 13 më pak se lideri, Bayer Leverkuseni, teksa deri në fund të sezonit kanë mbetur për t’u zhvilluar edhe shtatë xhiro.
Borussia Dortmundi pas kësaj fitore ka 53 pikë dhe ndodhet në pozitën e katërt. /Gazeta Express/