MOS E URREJ NJERIUN
Në ditët e sotme diçka ka ndryshuar
njëri-tjetrin e urren pa masë
i duket vetja më i miri n’botë,
por punët e tij janë diçka e kotë.
Pse urren njeriun këtë krijesë madhore
nderoje e respektoje prore,
se nuk është ujk,por është njeri
ndalu shikoje ku i ke ata sy.
Zoti e ka falë si të fali ty
mos e përbuz se është njeri,
sillu mirë me te edhe njerëzit tjerë
se përndryshe as ti s’ke vlerë.
Njeriu për njeriun mos të jetë ujk,
po të çmohet e të nderohet
t’i lëmë urrejtjet e gjërat tjera
se vetëm njëherë vjen pranvera.
Jetën tonë ta bëjmë pranverë
ta çmojmë njeriun çdoherë,
ta duam njëri-tjetrin,të kemi respekt
të jemi gjithmonë njerëz të vërtetë.
Mos shiko shtrembër askë në jetë
se kjo rrugë është e gabuar,
vetëm bashkimi na bën të lumtur
këtë përvoja e ka treguar.
Kur jemi bashkë jemi më të fortë
të kemi dije edhe guxim,
të jemi të lirë në mendimet tona
vetëm kështu do të gjejmë shpëtim.
Vallën e përbashkët ne ta vallëzojmë
dhe mbarë botës ne t’i tregojmë,
se s’jemi ujq,as njerëz me bishta
por njëri-tjetrin dimë ta nderojmë.