O MOJ ÇIKË FYTYRËN SI HËNA
O moj çikë fytyrën si hëna
eja rrimë moj nesërmbrëma!
Unë të pres aty te dera
eja ti si herave tjera.
Mori çikë o moj e bardhë
që e kënaq ti shpirtin tim,
je si lulja e pranverës
n’gjoksin tënd unë gjej strehim.
Jam e vogël,por me vlerë
eja djalë n’prehër më merr
unë e ti t’bëjmë dashuri,
sikur pëllumbat nën çati.
Mori çikë e bardhë si bora
fol diçka se krejt mbarova,
po m’shkon nata duke kujtuar
për ty çikë që m’dogje mua.
O moj çikë me ato molla
falja bacës s’e mbarova,
më ka zënë moj dashuria
i turbullove mendtë e mia!
Eja një ditë për t’u bashkuar
edhe hëna t’na ketë lakmi,
njëri-tjetrin të përqafojmë
dhe të kënaqen sytë e mi.