Wanda Nara po bën bujë edhe si këngëtare. Kënga e dytë e saj titullohet “Ose Bicho Vai Pegar” dhe tashmë po ngjitet në renditjen e shikimeve në YouTube. Në një intervistë, modelja argjentinase tregoi se si performanca e parë me L-Gante e ndihmoi atë të hynte në botën muzikore.
Wanda foli në programin televiziv “América” për marrëdhëniet e saj të pretenduara me reperin e njohur, L-Gante: “Unë nuk kam pasur kurrë një marrëdhënie intime me L-Gante. Po, ne kemi një marrëdhënie miqësie.
Kur punoj me dikë, lidhem shumë me të. Jam shumë krenare që ia besuam njëri-tjetrit atë projekt. Ishte performanca ime e parë si këngëtare, në fakt u tregova një aktore shumë e mirë në klip.
Mauro ishte gjithmonë në dijeni të bashkëpunimit tonë muzikor, dinte gjithçka. Si mund ta mohoja marrëdhënien profesionale kur video-klipi i këngës ishte gati të dilte në publik?
Icardi? Ne nuk ishim të ndarë. Midis një futbollisti dhe një vajze aq mediatike sa unë, në një mjedis si ky, është e pamundur të mos ketë keqkuptime. Unë jam shumë impulsive dhe kur ndihem e zemëruar mund ta konstatoni lehtë. Icardi zemërohet me mua vetëm pse shpërthej shpejt”