Kylian Mbappe, së shpejti do të komunikojë qëllimin për të mos rinovuar, duke ruajtur paktin me Al-Khelaifi për çmimin e besnikërisë, që PSG duhej t’ia paguante në fund të sezonit. Pavarësisht nga lajmet kontradiktore dhe mungesa e konfirmimeve zyrtare, në Spanjë ka besim të plotë për kalimin e Kylian nën urdhërat e Ancelotti.
Përshtypja është se situata mund të zhbllokohet tashmë që në javët e ardhshme. Për ta bindur Mbappé të shkojë në “Bernabeu”, për më tepër, nuk do të shërbente ndonjë ofertë ekonomike më e lartë se ajo e PSG. Krejt e kundërta. Mënjanë bonusi i pasur për nënshkrimin e kontratës, teksa në Madrid, ylli francez do të fitojë më pak se 72 milionë euro të vendosura “në pjatë” nga PSG.
Detaje që tregojnë se kalimi te menegues nënkupton lavdi më të madhe, trofe prestigjiozë individualë dhe ekiporë. Mes tyre, me siguri edhe Champions League dhe “Topi i Artë”. Sa për PSG, duke pritur komunikimet zyrtare nga Kylian, e ardhmja fillon të planifikohet.
Me largimin e sulmuesit francez, Al-Khelaifi do të studionte një strategji agresive në treg për ta zëvendësuar Mbappé. Përveç sjelljes në Paris të një lojtari të kalibrit të Victor Osimhen ose Rafael Leao, qëllimi i PSG është ta investojë menjëherë shumën e kursyer të bonusit të besnikërisë së Kylian. Kjo shifër pritet të përkthehet në dy përforcime të tjera të rëndësishme; një në mbrojtje dhe tjetra në mesfushë.
Kylian Mbappé ka zgjedhur Real Madridin. Në Spanjë dhe Francë, tani nuk kanë më dyshime për të ardhmen e yllit francez. Më shumë po përqendrohen në detajet ekonomike të “martesës” së bujshme, e cila pritet të shpallet së shpejti.