Angel Di Maria e kishte fatin të luante me yjet më të mëdhenj të futbollit botëror.
Futbollisti argjentinas madje ka qenë edhe bashkëlojtar i dy prej lojtarëve më të mirë në histori të futbollit, me Lionel Messin tek Argjentina dhe me Cristiano Ronaldon në Real Madrid.
Mirëpo, futbollisti aktual i Benficës e ka lënë jashtë 11-shes së tij ideale të lojtarëve më të cilët ka luajtur gjatë karrierës së bujshme.
Në mesin e yjeve të zgjedhur nga argjentinasi, në formacionin e zbuluar nga mediumi spanjoll “Marca”, megjithatë nuk e gjen veten Cristiano Ronaldo.
Sulmi i zgjedhur nga ish-futbollisti i Real Madridit, Manchester Unitedit, Paris Saint-Germainit e Juventusit është mjaft i frikshëm me Leo Messin, Kylian Mbappen, Zlatan Ibrahimovicin e Neymarin.
Në mesfushë ai i zgjodhi Rui Costan e Javier Mascheranon, ndërsa në mbrojtje Sergio Ramosin, Marcelon dhe Nicolas Otamendin.
E në portë, sulmuesi i krahut e zgjodhi Emiliano Martinezin, me të cilin e fitoi së bashku Botërorin në vitin 2022.
Natyrisht, një pozitë në fushë e la të lirë, duke i bërë vend vetes… /Gazeta Express/