Ah, si është kjo dashuria,
ndrit fytyra si zanë deti,
zemrën ndez si vetëtima,
magjinë ia fal këtij realiteti.
Si shkëlqejnë ata dy sy,
si shkëndija n’oqean,
kur më sheh me mall në sy,
plas kjo zemër si vullkan.
Dëgjohen rrahjet në distancë,
si dy zemra pranë e pranë,
edhe pse prej kohësh s’u panë,
larg e afër prapë janë.
E merr shpirti lumturinë,
kur mendon se ai po vjen,
sa më afër dy zemra rrinë,
aq më shumë dashuri gjen.
Kur dy zemra bëhen një jetë,
as largësia s’i ndan dot,
dashuria i lidh përjetë,
si dy yje në një qiell plot.