Ngrihu o populli im, bashkohu me rininë heroike!
Dridhe këtë tokë, thyej zinxhirët,
Me hovin rinor, ndiz shkëndijat-përhapë dritë, këtë ditë e kemi pritë!…
Mos jeto zvarranik i gjunjëzuar,
Me kokën lart qëndro,
Përballë reaksionit marsho!
Shpërthe, uragani ynë heroik,
Zjarrin lëshoje rrufeshëm,
-me guxim, i qartë!…
Ngrihu, përpara marsho!
Të jepet kushtrimi, asgjë mos të ndalë!
Bëhu shpirt e trup, njësh me rininë,
Në barrikadat-betejat,
Sfido ballëlart, me Flamurin Kuqezi!