Unë kam lindur përmbi një re
Ndaj shpeshherë kthehem në një pikëz loti.
Mos më shihni me mëshirë nëse bie
Janë thjesht çështje të motit.
Unë kam lindur në një rreze drite
Prandaj shpeshherë ju duket se shkëlqej.
Mos u merakosni nëse tkurem e venitem
Mbaj brenda vetes një diell.
Unë kam lindur mbi një majë mali
Aty ku ngrejnë folenë shqiponjat.
Më merr, më përplas e me rrëzon acari
Por më ngrenë lart zotat.