Sot vargu im i lirë e ka fjalën
Nuk njeh kufij as heshtje
Si dielli që fal dritë
Edhe kur bota mbulohet me re
Fjala ime ecën e lirë
Nëpër udhët e mendimit
Mbjell dritë në shpirtin e njeriut
Dhe zgjon zërin e kujtimit
Nuk e lidh vargun me pranga
As nuk ia mbyll qiellin me mure
Ai merr frymë në lirinë e fjalës
Dhe çel si lule mbi gurë
Sot vargu im është zë i shpirtit
Një rreze që terrin e mund
Sa të ketë diell mbi këtë tokë
Fjala e lirë nuk shuhet kurrë.
Xhemile Adili-VARGJE TË LIRA
- Advertisment -